ഇരുട്ടുവീഴുമ്പോൾ കൂടണയാൻ ധൃതിപ്പെടുന്ന ലോകത്തിനു മുന്നിൽ ചെന്നുവീണിടം കൂടാക്കിമാറ്റുന്ന ന്യൂനപക്ഷത്തിന്റെ പ്രതിനിധിയായിരുന്നു ലൂയി പാപ്പ. വിശുദ്ധർക്ക് പഞ്ഞമില്ലാത്തിടങ്ങളിൽ കൊതിപ്പിക്കുന്ന അവിശുദ്ധിയോടെ ജീവിച്ച കവി.
അത് കൊണ്ടാകണം, പാതയായത് കൊണ്ടാണ് ചവിട്ടേൽക്കി വന്നതെന്നും അടുത്ത ജൻമത്തിൽ നക്ഷത്രങ്ങൾ പൂക്കുന്ന ഒരാകാശമാകണമെന്നും അദ്ദേഹം പറഞ്ഞ് വെച്ചത്, ചവിട്ടേൽക്കേണ്ടി വന്നാലും ഒരുപാട് പേർക്ക് ചുവടുറപ്പിച്ച് നിൽക്കാൻ കഴിയുന്ന പാതയയാകുന്നത് തന്നെയല്ലേ നല്ലത്, സ്വഛമായ നക്ഷത്ര സമൂഹത്താൽ തോരണം ചാർത്തപ്പെട്ട ആകാശത്തേക്കാൾ...
